Wie is die “Agterryers”?

Die “Agterryers” (www.agterryers.co.za) is bloot ‘n webtuiste wat as uitgewer/spreekbuis dien vir die elektroniese boek “...ek het ‘n boodskap van God om ‘n end te maak aan die broedertwis...”.

Die titel van die elektroniese boek (“...ek het ‘n boodskap van God om ‘n end te maak aan die broedertwis...”) is ‘n aanhaling uit ons geskiedenis.  Hierdie woorde is geuiter, deur ‘n onbekende jong man, aan Dr. D.F. Malan tydens die inhuldiging van die Voortrekkermonument op 16 Des. 1949.

“Dr. Malan het op sy plek bly staan; dit was vyf voor twaalf.  Op ‘n wenk van die voorsitter het die skare ‘Op berge en in dale…….’ saamgesing.

Daar was nog net enkele minute oor.

En toe snel daar ‘n jong man uit die skare na die verhoog, ontwyk ‘n geregsdienaar, spring op die verhoog en hardloop na die kateder onderwyl hy uitroep: ‘Dr. Malan, ek het ‘n boodskap van God om ‘n end te maak aan die broedertwis………’ Vlak voor die kateder waar dr. Jansen die hand afwerend uitsteek en hom toeroep:‘Nee, nee,’...”

Die Huldejaar 1949, Hoofstuk XVI, “Quo Vadis?” bl. 310-311.

Die inligting vervat in dié elektroniese boek is gegrond op die waarheid (geskiedkundige feite) en die Woord van God, en is gratis beskikbaar. (Hierdie dokument is geformuleer deur gebed, geloof en navorsing oor ‘n tydperk van byna vyf jaar.) Die rede vir ons huidige omstandighede, is duidelik uit die inligting vervat in hierdie boek. (Sien ook agterblad hieronder)

Elke Christen behóórt hierdie gratis boodskap te kry!

Jul broeder in Christus